கொரோனா நெகடிவ் போலி ரிப்போர்ட் – டாக்டர் கைது

பங்களாதேஷ் தலைநகர் டாக்காவில் உள்ள பிரபல தனியார் மருத்துவமனையில் கொரோனா பரிசோதனைக்கு வருபவர்களுக்கு கொரோனா பரிசோதனை செய்யாமலே ‘கொரோனா நெகடிவ்’ என ரிப்போர்ட் கொடுத்ததாக அம்மருத்துவமனையின் இயக்குனரும், டாக்டருமான முகமது ஷஹீத் கைது செய்யப்பட்டுள்ளார். கொரோனா அறிகுறிகளுடன் வருவோருக்கு அரசின் அனுமதி பெற்ற சோதனை மையம் என்று கூறி பலரிடம் பணம் பெற்றுக்கொண்டு, சோதனை செய்யாமலே போலியாக ‘கொரோனா நெகடிவ்’ என சான்றிதழ் வழங்கியுள்ளார். அந்நாட்டு சுகாதாரத்துறைக்கு கிடைத்த ரகசிய தகவல் அடிப்படையில் அதிகாரிகள் அம்மருத்துவமனையில் சோதனை நடத்தினர். அதில் இதுவரை 10 ஆயிரத்திற்கும் மேற்பட்டோருக்கு கொரோனா பரிசோதனை செய்யப்பட்டுள்ளது. அதில் 4000 பேருக்கு முறையான பரிசோதனையும், 6000த்திற்கு மேற்பட்டோருக்கு பரிசோதனையே செய்யாமல் போலி ‘கொரோனா நெகடிவ்’ சான்றிதழ் வழங்கப்பட்டதும் தெரியவந்துள்ளது. இதையடுத்து டாக்டர் முகமது ஷஹீத் கைது செய்வதற்குள் தலைமறைவானார். போலீஸ் தீவிர தேடலுக்கு பின் அவர் கைது செய்யப்பட்டார்.